Rrugët se si mund të pajiset shtetasi me pasaportë udhëtimi:

 

- Shtetasit shqiptarë, me banim jashtë shtetit, do të aplikojnë për pasaportë biometrike, duke u paraqitur personalisht në    mjediset e përcaktuara nga koncesionari për këtë qëllim. Aktualisht këto mjedise ndodhen vetëm në Shqipëri, në              mjediset e Zyrave të Gjendjes Civile në Njësitë Bashkiake.

 

- Aplikimi i shtetasve nën moshën 16 vjeç për pasaportë biometrike, bëhet vetëm në prezencë të paktën të njërit prej         prindërve, të kujdestarit ligjor ose të përfaqësuesit me prokurë të posaçme.

 

- Pajisja me pasaportë biometrike bëhet brenda 15 ditëve nga data e aplikimit.

 

- Pasaporta biometrike do të tërhiqet pranë Drejtorive/komisariateve të policisë nga aplikanti, përfaqësuesi ligjor,                   përfaqësuesi me prokurë të posaçme ose nga një pjestar i afërt i familjes (bashkëshorti/ja, prindi, fëmija).

 

Çfarë duhet të bëjnë shtetasit kur humbin ose duhet të zëvendësojnë pasaportën e udhëtimit?

 

-  Kur shtetasit shqiptarë humbin pasaportën, duhet që menjëherë të bëjnë denoncimin në organet policore të vendit          përkatës dhe të njoftojnë Përfaqësinë Diplomatike ose Konsullore në vendin ku janë rezidentë.

-  Në rastin kur ata ndodhen përkohësisht në Shqipëri, duhet të bëjnë denoncimin në Komisariatin e Policisë pranë rajonit       ku ka ndodhur humbja e pasaportës.

-  Për t’u ripajisur me pasaportë, shtetasit që e kanë humbur atë duhet të veprojnë njëlloj sikurse dhe shtetasit e tjerë që     kërkojnë të pajisen nga e para me pasaportë, duke shtuar këtu dhe depozitimin e dokumentit denoncues për humbjen e     pasaportës së parë.

-  Po kështu veprohet edhe në rastin kur duhet të ripajisen me këtë dokument, duke paraqitur një deklaratë me arsyet e      kërkesës për ripajisje.